تجربة

تجربة

 

تجربة

تجربة

تجربة

تجربة

تجربة

تجربة

تجربة

تجربة

ياااه

بقالى مدة طويلة اوى مكتبتش حاجة
الغريب انى بكتب فقط فى اوقات الشدة او بمعنى اصح فى اوقات الامتحانات
بالرغم من ان طول الفترة الماضية كانت مليئة بالاحداث بالنيبة للعالم او لمصر
و طبعا احنا كمصريين مكتئبين جدا بسبب موضوع البنزين والسولار والذى يتريب منه زيادة فى الاسعار
و كالعادة حكومتنا الرشيدة و قيادات الحزب الوطنى يؤكدوا ان هذه المخاوف مجرد اوهام
و كالعادة ترتفع الاسعار بعد ذلك
و كالعادة المواطن الغلبان اللى يدوب يملك قوت يومه هو اللى هيدفع الثمن

و لا غزة
الكهرباء قطعت
و النظام المصرى بيتعامل مع القضية بحيث لايغضب امريكا او اسرائيل
مع العلم اننا زمان كنا بقول امريكا

انما الان اصبح وجود علاقات تجارية قوية بينا وبين حبايبنا الاسرائيلين
اومال الغاز اللى بنصدره بسعر مدعم واللى بيفى خمس كهرباء اسرائيل


الان تاكدت و ذقت مرار الخيانة

لكن سيبكم من ده

بالرغم من ان المسافة بينى وبين الامتحانات اسبوع تقريبا
الا ان الدكاترة و المعيدين من الواضح انهم لم يلاحظوا ذلك

فالمحاضرات شغالة
و السكاشن و المعامل موجودة حتى الان


و بالطبع يتم شرح الاجزاء الاخيرة فى يومين و بيمثل اكثر من ربع الامتحان
و فى بعض المواد يمثل النصف

يعنى حضرتك تقعد 3 شهور تاخد نصف المنهج

و النصف الاخر فى يومين فقط

ابتسم

انت فى كلية الهندسة

رحلتى الى ما بين الكرنك و السد العالى 1

يااه ... فعلا الله يرزق مما يشاء بلا حساب
الفرد منا يخطط و يحسب كيف يقضى اوقات
و لكن سبحان الله ... يفاجئ الواحد منا ان الله قد رزقه برزق لا توقعه

يا ترى الحكاية ايه

الحكاية ان فجا اتت رحلة لم اكن اتوقعها الى اسوان والاقصر

الحكاية بدات ان احد اصدقاء العمر اتصل بى و قال لى ان فيه رحلة الى الاقصر واسوان تتبع معسكر الشباب ضمن مشروع اعرف بلدك
و هو مشروع على مستوى الجامعات و ياخذون عدد من الطلاب من كل جامعة لمعرفة بلدهم و الى اخر هذا الكلام

بصراحة انا فرحت جدا بهذه الرحلة لسبب بسيط وهو ان اجازة نصف العام حجزت بالكامل للتربية العسكرية "ربنا يرحمكم منها "
و بالتالى اخيرا وجدت شئ يشعرنى باننى اخذت اجازة او استمتعت بقضاء الرحلة استعدادا لترم الثانى
و لم اجد صعوبة اصلا فى اقناع والدى بالرحلة لانهم يشعرون معاناتى من التربية العسكرية

قايلت صديقى فى محطة مصر و تعرفت على باقى المجموعة و اللى معظمهم من كلية الطب
و كان القطار ميعاده الساعة التاسعة

لكن سلو بلدنا بيعتبر ان الخروج بمواعيد منضبط يعيبر من الاشياء المعيبة جدا
و مفيش احلى من التحرك بالبركة كده
خرجنا من محطة مصر حوالى الساعة 9.35
القطار بوجه عام جيد " ملحوظة نسيت اقول لكم انى ركبت قطار الدرجة الثانية المكيفة يعنى من القطارات النظيفة "
لكن كانت الرحلة طويلة جدا و كانت اطول رحلة فى حياتى

فهذه الرحلة تعدت ال14 ساعة !!!!

لكن النوم و اللعب مع المجموعة والتامل فى الاراضى الزراعية كانوا من العوامل الاساسية لقتل ال14 ساعة

عندما نظرت الى خارج النافذة و تأملت الى منظر شروق الشمس الجميل و الاراضى الخضراء و النخيل المنتشر هناك بكثرة
و الجمل من ذلك منظر الجبال الرملية الموجودة خلف الاراضى الزراعية

و التى تشكل لوحة رائعة جدا قد يعجز اى فنان ان يرسمها




لكن بالرغم من هذا الجمال الا ان البشر احيانا يقودهم الجشع و الطمع
لانى و جدت مصانع تخرخ ادخنة سوداء و بيضاء بكميات لم اراه فى حياتى
و على فكرة الصور هنا تتجمل كثير لكن الحقيقة اسؤا من ذلك بمراحل



طبعا سلمنى على وزارة البيئة و على المسئولين و على صحة الانسان

اجمل منظر بصراحة لاحظتوا وانا راكب القطار ذات الاربعة عشر ساعة
مابين الاقصر واسوان
طول المسافة كانت بجانب نهر النيل و كان المنظر لايتكرر و سبحان الله
اذ تجد نهر النيل الشريان الاساسى فى مصر
وتفاجا بانه فى وسط صحراء او بمعنى اصح بين جبال رملية ليس جدباء
و كنت اندهش مجرد مجرى مائى فى وسط صحراء يبنى حضارة يعتبر اشهر حضارة فى التاريخ
هنا عرفت قيمة نهر النيل بالفعل و حمدت الله على هذه النعمة العظيمة لمصر

فوضى ...

لما تحس بنوع من المعاملة السيئة
و نوع من الامبالاه
و انت فى اخر سنة
ومن مين
من معيد بينك و بينه كم سنة
و فاضل كام شهر و تتخرج وتبقى مهندس
يبقى نعمل ايه

الحكاية اننا عندنا امتحان فى مادة الكنترول
و المعيد طلب اننا نسلم تقرير به حل الشيتات بعد الامتحان مباشرة او بمعنى اصح يصحح لنا مباشرة على الواقف

بعد الامتحان ذهبنا الى حجرة المعيدين لتصحيح التقرير
فطلب مننا المعيد ان ننتظر و سوف يبدا تصحيح لسكشن 1 و سكشن 3 و انا مش فاهم ليه سكشن 3 كان على الاقل قال سكشن 1 و2
عموما انا فى سكشن 5

طبعا يوجد زحام شديد اما حجرة المعيدين لان كل واحد منا يامل ان تاتى له فرصة لكى يصحح تقريره
تخيلوا دفعة مكونة من 6 سكاشن اى مايقرب من 270 طالب ياتون فى يوم واحد الى مكان واحد وهو مجرد حجرة صغيرة لاتسع اكثر من مكتبين

طبعا بسبب الزحام الشديد المعيد يخرج كل 15 دقيقة و يقول ياجماعة اللى ييجوا سكشن 1 و سكشن 3 بس و الباقى تحت
انتظرنا اكثر من ساعة ونصف و حتى الان لم يحن دورنا بل مازال التصحيح على نفس السكشنين

حاولنا ان نذهب الى المعيد ونكلمه لان طال الوقت بالفعل " كانت المشكلة ممكن تتحل لو سلمن التقارير له و هو يصححها براحته خالص "

لكن فجأ خرج المعيد وقال " خلاص يا جماعة علشان الزحمة اللى انتوا عاملنها انا همشى " و اخذ كشف الدرجات و خرج بسرعة كبيرة

و تاكدت انه بالفعل رحل المعيد تاركا 4 سكاشن دون التصحيح
لكن المفاجاة انى سمعت من بعض الطلاب قالوا الحقوا احنا شفنا المعيد قطع كشف الدرجات و هو ماشى

نسيت اقول لكم ان كان فيه معيد اخر يصحح بجانب معيد مادتنا و هو برضه رحل وراء المعيد بتاعنا

فى الواقع انا كدت اتجنن من حاجتين
موضوع رحيل المعيد وتركنا هكذا دون ادنى اعتبار لنا
موضوع قطع كشوف الدرجات

لكن هذه ليست نهاية الحكاية

فجلسنا نبحث عن حل و هل نروح زى ماروحوا ام ماذا
ففكرنا ان نتصل بالمعيد الثانى و نعرف منه ماذا نفعل

المهم اتصلنا به وقال لنا استنوا انا جاى
و بعد كده قال روحوا لمعمل الات احتراق داخلى و انا هقابلكم هناك

و عندما ذهبنا الى المعمل قالوا واحد من سكشن يتطوع ويكون مندوب السكشن و يلم جميع التقارير"لاحظ انها 6 سكاشن لان المعيد واضح انه قطع الكشف بالفعل كما معظم الناس اللى موجودة فى سكشن 1 و3 رحلوا بعد تصحيح تقريرهم "
المهم .. سلمنا التقارير لكل واحد و قولنا خلاص نروح وبعد كده نستلم التقارير فى وقت اخر
قالوا لا لازم كل واحد فيكم يستنى ساعة كده لغاية ما تقاريره يتصحح و الا مش هياخد درجته

فى الواقع فى ذلك اللحظة شعرت بقرف و زهق و بذل
ليه نستنى
لماذا تلك المعاملة
نحن فى سنة البكاليورس
يعنى كام شهر نصبح مهندسين و مسئولين عن المجتمع

احنا مش بنشحت درجات
و انا لا اذل بسبب 5 درجات

فرشحنا احدا منا يذهب الى دكتور المادة و يحكى له ما حدث
و طبعا لم يجد الدكتور حلا الا انه يلغى درجة تسليم التقارير

و لا استطيع ان اقول سوى

حسبى الله ونعم الوكيل

يا غزة .....ان الله مع الصابرين

رسالة الى العرب

ولا تحسبن الله غافلا عم يعمل الظالمون

نفسى ...لكن

الواحد منا بداخله اشياء كثيرة و عاوز يخرجها للنور
اى احاسيس بداخلنا او شعور فرح ..حزن...شحن...احباط
ودى كانت فكرة عمل المدونة .......اى واحد يكون ليه مكان خاص به يفضفض عن نفسه ..يقول اى حاجة تخطر على باله

لكن الشئ العجيب و الغريب انى بمجرد امسك الكيبور و استعد لكتابة ما بداخلى .. اجد نفسى فجأ عاجز عن وضع اى جملة او حتى كلمة فى البوست الموجود فى المدونة حتى الشعور ما بدخلنا مش قادرين نخرجه الى النور من اعمق ما فى انفسنا ممكن نكتب كلمات تعبر عن الحالة لكن فى الاخر هنشعر انى مش قادر اخرج كل مافى داخلى و تقريبا كل مرة يحصل عندى الموضوع ده

الغريب فى الامر ان ممكن انوى اكتب عن موضوع ما اى موضوع يعبر عن حالتى
لكن ..فجأ ... اجد نفسى انى لا استطيع اكتب اى حاجة تعبر حتى عما بداخلى
فى الواقع اكتشف ان ما بداخلى هو عبارة عن امواج متلاطمة من الاحاسيس

لو سألتنى ما حالتك ... هقولك معرفش ممكن زعلان بسبب موقف من الاسرة بس فى نفس الوقت متغاظ بسبب خطأ بسيط فى الامتحان ولا ..لا لا لا استنى انا مبسوط علشان خلصت من الامتحان ده اخيرا و لا اقولك انا عندى شعور بملل بسبب الجلوس فى البيت بسبب الامتحانات و لا ممكن شعور يالقرف اللى بيحصل فى البلد دى و لا ولا ولا ...
طب حتى لو حددت شعور واحد ... هتكلم و اقول ايه .... او بمعنى اصح ابدا منين

مثلا هقول انا عندى مشكلة فى عدم الثقة بالنفس

طب ايه السبب ...
يمكن علشان دايما بفكر فى المواقف المحرجة اللى بتحصلى

ماشى لكن كل الناس بيمروا بمواقف محرجة كثير ...اشمعنى انت
يمكن علشان محدش ادانى الثقة

يعنى ايه
اى انسان مش بيخلق الشعور الثقة بالنفس من العدم كده .....اكيد فيه ناس بتشجعه و بتدعمه لكن فى حالتى مش لاقى الشخص اللى يشجعنى او يدعمنى

لييه
كده

طب و الحل
مش عارف لكن بحاول اعطى شعور الثقة بالنفس لنفسى

..................
..........


كل مرة اكلم نفسى و ابوح ما بنفسى
لكن الحوار ينتهى ان الحل هو نفسى

عموما لحل هذه المعضلة هو الجلوس فى مكان هادئ و ياريت يكون المكان طبيعيا
و اقعد و اراجع نفسى على ماذا فعلت و ماذا افدت و ماذا استفدت من الحياة و الاهم ان اعرف نفسى جيدا

مش ملاحظين برضه بقول الحل فى نفسى من الاخر ربنا يهدينى و يهدى نفسى

حاجات غريبة اليوم

بما ان احنا فى وسط الامتحانات "بعد الشر عليكم طبعا " بدات اشعر بشئ غريب يحدث فى الامتحانات
تخيل اننا نمتحن مادة الترم وفى نفس اليوم نمتحن امتحان الشفوى و فى نفس اليوم نمتحن امتحان اعمال السنة
لاحظ ان كل الامتحانات فى نفس اليوم
و هذا ما حدث بالفعل اليوم فى امتحان التبريد
امتحان الترم لمدة ثلاث ساعات " وطبعا مش هتكلم عن طول الامتحان و الذى يتحل فى اربع ساعات مش ثلاث "
و بعدها بنصف ساعة نمتحن امتحان اعمال السنة و شفوى فى نفس الامتحان فى نفس الوقت فى نفس الورقة

هل امتحن احدا منكم اعمال السنة و الشفوى فى نفس الوقت

لقد حدث ذلك فى كلية الهندسة جامعة عين شمس
ومش كده وبس

الامتحان عبارة عن مسالة " وهذا يعبر عن امتحان اعمال السنة "
و سؤال نظرى " و ده يعبر عن الامتحان الشفوى "

هل تتخيلوا ان مجرد سؤال واحد نظرى عليه 25 درجة كاملة غير قابلة للتقسيم
اى ربع درجة المادة الكاملة "100 درجة"
سؤال نظرى يتحل فى 5 دقائق فقط لكى تاخد منه ربع المادة

قد يقول البعض ان هذا جيد جدا فمجرد سؤال صغير تستطيع انك تاخد درجات كثيرة "بالبلدى كده الدكتور بيدينا هدية "
ظاهريا الكلام صحيح لكن ماذا لو كان هذا السؤال النظرى لم اذاكره
معنى ذلك ان عوضك على الله
و انسى حاجة اسمها انك تجيب تقدير فى المادة
و ادعى ربنا انه يعديها على خير

عموما مش اول مرة تحدث موضوع ان اليوم الذى امتحن فيه مادة يكون يوم عالمى لنفس المادة

فقد سبق و امتحنت مادة التربو و معه امتحان الشفوى " لفظا و ليس معنا بالطبع " فى نفس اليوم و لكن منذ الاسبوع السابق

وربنا يسهل

و عقبال باقى المواد